Bwana yulee amerejea
Mkatili, mwongo, mpenda anasa
Kwa kweli, ina mkono mrefu
Yule tuliyemtimua amerejea
Amerejea na ni wa kisasa
Amerejea ana mtindo wa kisiasa
Baba yule ana mkono mrefu
Miguu kuivuka mipaka
Tukadhani mwenyeji
Tukamwona mwenzetu
Kumbe mwewe wa kuwachukua vifaranga
Kila kunakokucha nakiona kivuli chake
Kwenye majumba, hospitali magari na hata barabara
Bwana yulee mwenye kiu na njaa
Kapiga miayo hadi mchana
Amefura mdomoni kuwaliko wanaochana
Kwani ywazipenda za jaba
Kuna waliotimuliwa kwenye viti
Viti vya hospitali
Viti vya raslimali
Kuna walionyakuliwa vyeti
Vyeti vya serikali
Kuna waliopewa simiti
Chuma, reli na hata vitongoji duni
Kuna walioekezewa fedha
Pesa za raslimali
Kuna waliopewa Viti
Viti pesa na mali
Majumba yaliojengwa
Kwa pesa zilizotengwa
Kwa watu waliolengwa
Kwa malengo yasiyo mema
Kujitajirisha
Kujitayarisha
Maisha
Afya ya uchumi
Kuihatarisha
Kuna waliohamishwa makwao
Wengi kukosa makao
Amerejea yulee
Bwana tuliyemtimua
Amerejea na ni wa
Amerejea na mtindo wa kisiasa.
